Nakadikit sa ‘The Flor Contemplacion Story’ ang mga pinakamalalaking pangalan sa industriya at pinakamahuhusay – panulat nina Ricky Lee at Bonifacio Ilagan, sinamahan pa ng actingan nina Nora Aunor, Jaclyn Jose, at Vina Morales, at pinakalitaw ang papel ni Romel Vitug, bilang ang sinematographer. Sa literal at metaporikal na antas, nagbibigay-liwanag ang pelikula sa kompleksidad ng mga babaeng karakter at kanilang mga sitwasyon sa gitna ng lipunang pilit silang pinagtutunggali sa isa’t isa.